ليه ياقلبي تغافلني وتعشــق من وراي!!؟

صباحـكم/مسائكـم فـرح وسعـادهـ



ليه ياقلبي تغافلني وتعشق من وراي
كيف روحي غصب عني فيه صارت مغرمه؟

ليه ترضى ترتبط بانسان ما وضح غلاي
مابقى لي غير نبضي وانت مني تحرمه

كل ماشفته يطير الحرف من رعشة شفاي
ليت قلبي شخص واقدر من حياتي اعدمه

القهر .. قدام عيني وما اقدر احكي له هواي
ليتني باحلامه اظهر وارتجل واعلمه

كلما جيت ابتدي الموضوع .. اوصل منتهاي
وكلما جيت ابني صروح الامل .. صرت اهدمه

يوم حس بحيرة عيوني .. سالني : وش بلاي؟
بس درس الحب صعب وليت قلبه يفهمه

راحت ايام وليالي .. عشت اردد واشقاي
السهر يعزم عيوني والحزن صرت اعزمه

بس انا لاحظت كيف انه بدا يسهر معاي
صار مثلي وسط صدره سر غالي يكتمه

كان صمته مثل صمتي ورجوته تشبه رجاي
وان رسم شي بخياله .. في خيالي ارسمه

صار يسرح .. قلت شكله عاشق ويعشق سواي
لازم ابعد عن حياته ياعسى الله يحفظه

لين قال الكلمه اللي زلزلت ارضي وسماي
قالها من غير مايشعر بروح معدمه

قال: احبك انتي شمسي وانتي همسي ياهناي
قلت : احبك انت عمري وانت شعري ملهمه

قال: صمت الحب عذبني وعذبته معاي
قلت: صمت الحب يستاهل حبيبي نكرمه

قال: لو ماكان علمتك بحبي وش دواي
قلت: من يهوى ويسكت .. الزمان يعلمه !!


انــا هــذي مررره عاجبتني >> وانتوا شو رأيكوون فيها؟؟

يسلموووو نووني

مـن ذووووقك

اهـــم شـي انها اعجبتك حرم سموه >> يهمني رايك طبعا
يسلموووو ولا من ردودك ومواضيعك